ሚኒስተር ዞባዊ ምምሕዳር ኣቶ ወልደሚካኤል ገብረማርያም ሎሚ 4 ነሓሰ ሃንደበት ዓሪፉ።

ብመሰረት ሓበሬታ መራኸቢ ብዙሃን ህግደፍ፣ 72 ዓመታት ዝገበረ  ኣቶ ወልደሚካኤል፣ “ኣብ ጋሽ ባርካ ናይ ስራሕ ምብጻሕ ፈጺሙ ናብ ኣስመራ እናተመልሰ ኣብ ከረን እዩ ዓሪፉ”።  ጠንቂ ሞቱ እንታይ ምዃኑ ግን ኣይተገልጸን።

ድሕሪ ናጽነት ንነዊሕ ዓመታት ሚኒስተር ማይን ኣከባብን ኮይኑ ዝሰርሐ ኣቶ ወልደሚካኤል ገብረማርያም፣ ኣብዚ ቀረባ እዋናት እዩ ናብቲ ሚኒስተር ዞባዊ ምምሕዳር ኣቶ ማሕሙድ ሸሪፎ ብሰንኪ ፖለቲካዊ ኣረኣእያኡ ምስ 11 ብጾቱ ብ 2001 ኣብ ማእሰርቲ ተዳጕኑ ደሃዩ ካብ ዘጥፍእ ኢሳይያስ ምስ ኣመሓደርቲ ዞባታት እናተራኸበ ብቐጥታ ዘመሓድሮ ዝነበረ ሚኒስትሪ ዞባዊ ምምሕዳር ተዘዋዊሩ።

ገዲም ተጋዳላይ ወለንኪኤል ገብረማርያም ሓደ ካብ መስረቲ ምንቅስቓስ ሓርነት ኤርትራ (ሓራካ) እዩ።