Visit the new AsenaTv Website

https://asenatv.com

ሓድግታት ኣምባሳደር ተስፋሚካኤል ገራህቱ ኣብ ዓባይ ብሪጣንያ

ሓድግታት ኣምባሳደር ተስፋሚካኤል ገራህቱ ኣብ ዓባይ ብሪጣንያ "ሻምፕዮን ናይቲ በታኒ ፖሊሲ"                   ታደሰ ኪዳነ      በርሚንግሃም                         1ይ ክፋል              04/05/2014   መእተዊ፦ ኣብ ታሪኽና ውልቀ-ሰብ ኣልዒልካ ምዝራብ ልሙድ ኣይኮነን። ምናልባት ታሪኽ ናይ ህዝቢ (ሓፋሽ) ኢዩ፣ ንሱ ኢዩ ብደሙን ብረሃጹን ቀያሲ ታሪኽ ካብ

ሓድግታት ኣምባሳደር ተስፋሚካኤል ገራህቱ ኣብ ዓባይ ብሪጣንያ

“ሻምፕዮን ናይቲ በታኒ ፖሊሲ”

                  ታደሰ ኪዳነ      በርሚንግሃም

                        1ይ ክፋል              04/05/2014

 

መእተዊ፦

ኣብ ታሪኽና ውልቀ-ሰብ ኣልዒልካ ምዝራብ ልሙድ ኣይኮነን። ምናልባት ታሪኽ ናይ ህዝቢ (ሓፋሽ) ኢዩ፣ ንሱ ኢዩ ብደሙን ብረሃጹን ቀያሲ ታሪኽ ካብ ዝብል ቅኑዕ ኣተሓሳስባ ዝብገስ እመስለኒ ። ይኹን’ምበር እንተ ብገንዘቦም እንተ ብስልጣኖም ኣብ ልዕሊ’ቲ ሰራሕ ቅያ ዝኾነ ህዝቢ ጽልዋ ዘምብሩ ሰባት ኣብ ታሪኽና ብዙሓት ኢዮም። ብፍላይ ነቲ ፖለቲካዊ ስልጣን ብቐንዱ ዝተቖጻጸሩ ሰባት።

 

እቶም ኣብ ማእከላይ ጽፍሒ ዝምደቡ ሓለፍቲ፣ ነቲ ብላዕሊ ዝመጽእ መምርሒ፣ ምስ ስነ-ምግባርን ባህልን፣ ወይ’ውን ዓቕምን ጸገምን ናይቲ ዘመሓድርዎ ህዝቢ ኣዛሚዶም የተግብርዎ። ከም በዓል ወዲ-ገራህቱ ዝኣመሰሉ ብላዕሊ ክፍተዉን ስልጣን ምውሳኽን ጥራይ ዝረኣዮም ድማ፣ ነቲ ብላዕሊ ዝመጾም ትእዛዝ ከይመመዩ፣ ከም ዘለዎ ወይ ወሲኾም ከተግብርዎ ይጽዕሩ። ኣገልግሎቶም ኣብ ዘብቅዓሉ እዋን ድማ ነናቶም ሓድግታት ኣለዎም። በዚ ከኣ ኢየ ሓድግታት ኣምባሳደር ገራህቱ ዝጽሕፍ ዘለኹ።

 

ማዕረ-ማዕሪኡ ክበርህ ዘለዎ፣ ስርዓታት ኣብ ዝቕየርሉ እዋን “ዝተዋህበኒ መምርሒ ጥራይ ኢየ ፈጺመ” ዝበሃል ዘረባ ይስማዕ ኢዩ። እንተኾነ ሰባት ንሕማቕ ይኹን ንጽቡቕ ዝወስድዎ ስጉምቲ፣ ዋላኳ ከባቢኣዊ ኮነ ካልእ ዝጸልዎ እንተኾነ፣ ብቐንዱ ግን ኣብ ናይ ገዛእ ርእሶም ነጻ ምርጫ ዝምርኮስ ኢዩ። “ተኲስካ ሰብ ቅተል” ዝተባህለ ሰብ’ውን እንተኾነ፣ “ተኣዚዘ ኢየ” ኢሉ ቃታ ክስሕብን፣ “ዝገበርካ ግበር እምበር ነዝስ ኣይውዕሎን” ክብልን ምርጫ ኣለዎ። ገራህቱን መሰልቱን ድማ ዋላ’ኳ ናይ ስራሕ መምርሒታት ዝህቦም ስርዓት ብልዕሊኦም ይሃሉ፣ ስለዝደለይዎን ብናይ ገዛእ-ርእሶም ነጻ ምርጫ ይገብርዎ ከም ዘለዉን ክበርህ ኣለዎ።

 

ኣምባሳደር ተስፋሚካኤል ገራህቱ’ውን፣ ኣገልግሎቱ ወዲኡ ክቕየር’ዩ ካብ ዝበሃል ኣዋርሕ ሓሊፉ ኣሎ።ኣብዚ ቀረባ እዋን’ውን ምስ ድምጺ ኣመሪካ ኣብ ዝገበሮ ቃለ-መጠይቕ፣ ኣገልግሎቱ ወዲኡ ናብ ኤርትራ ይምለስ ከም ዘሎ ካብ ቃሉ ሰሚዕና። ኣብዚ ሓጺር ተኸታታሊ ጽሑፍ እምበኣር ኩነታት ኤርትራውያን ኣብ ዓዲ-እንግሊዝ ኣብቲ ንሱ ዝመጸሉ እዋንን ሕጅን ብምንጽጻር ሕጽር ዝበለ ናይ ውልቀይ ትዕዝብቲ ከቕርብ ኢየ።

እቲ ካብ ኩሉ ዝገርም ድማ፣ እቲ ‘ፎእ’ ኢልና ገዲፍናዮ ዝመጻእና ስርዓት፣ ነቲ ኣብ እዋን ሓርነታዊ ቃልሲ ዘጥረዮ ውዳቤን ኣሰራርሓን ተጠቒሙ፣ ዶብ ሰጊሩ ብወንጭፍ የማሓድረና ምህላዉ ኢዩ።

 

ብዛዕባ ተጋ/ ተስፋሚካኤል ገራህቱ ክጽሕፍ ከለኹ፣ ብፍላይ ንዕኡ ዕላማ (ታርገት) ንምግባር ኣይኮነን። ንእግረ-መንገዱ – እዚ ከም ኣብ ዓንቀር ዝተሸኽለ ዓለቕቲ (ኣይወሓጥ ኣይትፋእ) ኮይኑ ዘሳቕየና ዘሎ ስርዓት “ንኸመይ ዝኣመሰሉ ሰባት’ዩ ናብ ስልጣን ዝሓሪ?” ዝብል ሕቶ ንምምላስ ስለ ዝሕግዘና ኢዩ። ንባህርያት ወዲ-ገራህቱን ኣመጻጽኣኡ ናብ ስልጣንን እንተፈሊጥና፣ ንኣመጻጽኣን ባህርያትን ናይ መብዛሕትኦም ነቲ ስርዓት ጸይሮሞ ዘለዉ ሰበ-ስልጣን ክንርዳእ ክንክእል ኢና። ስለዚ ገራህቱ ታርጌት ዘይኮነስ፣ ሓደ ኣብነት ናይቶም ንህግደፍ ኣቝሞምዎ ዘለዉ መሓውር ክንወስዶ ይግባእ።

 

ድሕረ-ባይታ

ቅድሚ ኣብዚ ናይ ሎሚ ኩነታት ምዝራበይ ግን፣ ነዚ ናይ ሎሚ ጠባያቱ ዝመሳሰል፣ ኣብ ሜዳ (ቅድሚ ናጽነት) ዝነበረ ኩነታት ተጋ/ተስፋሚካአል ገራህቱ ቁሩብ ኪዛረብ።

 

ኣብቲ ቅድሚ ሕጂ ዝጸሓፍኩዎ ተኸታታሊ ዓንቀጻት፣ ኣብቲ ንዓይ ዝምልከት ክፋሉ፣ ድሕሪቲ ኣብ ስንክልና ዘብጽሕ መውጋእቲ ምስ ኣጋጠመኒ፣ ካብ ተዋጋኢ ሓይልታት ናብ ደጀን፣ ማለት ከም መምህርን ኣላዪ ተማሃሮን ኮይነ ክሰርሕ፣ ናብ ጨንፈር- ትምህርቲ (ቤት-ትምህርቲ ሰውራ) ከም ዝተቐየርኩ ገሊጸ ነይረ። ኣብ መሳርዕ ቤት -ትምህርቲ ሰውራ ምስ ተመደብኩ፣ ንተጋዳላይ ተስፋሚካአል ገራህቱ፣ ካብቶም ቀዳሞት ዝፈለጥኩዎም መማህራን ነይሩ። እዚ ዝኾነ ድማ፣ እታ ኣነ ዝተመደብኩላ ተማሃሮ እትኣሊ መስርዕ፣ ምስቶም ገራህቱ ዘለዎም ብእንዳ መማህራን ዝፍለጡ ተጋደልቲ ዝምገብሉ ቦታ ጥቓ-ጥቓ ስለ ዝነበረ ኢዩ።

 

እቶም ልዕል ዝበለ ናይ ትምህርቲ ደረጃ ሒዞም ዝተሰለፉ (መማህራን)፣ ነቶም ብደረጅኦም እናለዓሉ ዝኸዱ ዝነበሩ ተማሃሮ ቤት-ትምህርቲ ሰውራ ዝምህሩን፣ ብዓቕሞም ድማ፣ በብቲ ዝሰልጠንሉ ዓውደ-ትምህርቲ፣ ብኮሚተታት ተመቓቒሎም፣ ተማሃሮ ዝመሃርሉ መጻሕፍቲ ዘዳልዉን ኢዮም ነይሮም። ኣብቲ ናይ ዕረፍቲ ግዜኦም (ብፍላይ ምሸት) ናብተን ጋንታታትን መሳርዕን እናመጹ ይዘናግዑን የዕልሉን። ተጋ/ ተስፋሚካኤል ገራህቱ ድማ፣ ሓደ ካብቶም ስሕት ኢሎም ናብታ ኣነ ዝነበርኩዋ መስርዕ እናመጹ ዝዘናግዑ ዝነበሩ ኢዩ። ሓንቲ ካብተን ኣለይቲ’ውን ጽቡቕ ገይራ ትቕበሎ ምንባራ እዝክር። ድሒራ’ውን ካብ ዓዲ ኣትሒዛ ከም እትፈልጦ ኣዕሊላትኒ። በዚ ምኽንያት’ዚ ክኸውን ይኽእል፣ እቲ ብዙሕ ኣብ ምግብናታት ናይተን መሳርዕ ዘይረአ ወዲ-ገራህቱ፣ ናብታ መስርዕ ክመጽእ ዝፎኽሶ ዝነበረ።

 

ሽዑ እዋን ተጋ/ ተስፋሚካኤል ገራህቱ ከምዚ ሕጂ እንርእዮ ሰብ ኣይነበረን። ብዙሕ ግዜ ዝን ዝብል፣ ብዙሓት መዓልልቲ ዘይብሉ፣ ብዙሕ እዋን ንበይኑ ዝረአ ሰብ ነይሩ። ርእሱ ኩሉ ግዜ በታ ‘ብፍልስጤም’ እትፍለጥ ቀያሕ ሻርባ ምስተሸፈነት ኢያ። ‘ስለምንታይ’ ኢሉ ንዝሓትት ሰብ፣ ‘እዝኑ ብቐጻሊ ስለ ዘሕምሞ ኢዩ’ ዝብል መልሲ ኢዩ ዝረክብ። ምናልባት እታ ፎጣ ካብ ርእሲ ወዲ ገራህቱ ትወርደሉ እዋን እንተነይሩ፣ ኣብቲ ግምባራት ውግእ ዝግ ኢሉ፣ ኣብ ደጀን ናይ ስፖርት መደባት ኣብ ዝጅምረሉ እዋን ኢዩ። ኣብቲ ሽዑ እዋን ተጋ/ ተስፋሚካኤል ገራህቱ፣ ደሓን ናይ ኩዕሶ ክእለት ከም ዝነበሮን፣ ኣብ ማእከል (ቚጽሪ 8) ከም ኣከፋፋሊ ኮይኑ ይጻወት ምንባሩ እዝክር። በቲ ግምባራት ውግእን ወረ ውግእን እንተተሰሚዑ ግን፣ እታ ቀያሕ ሻርባ ወዲ ገራህቱ ቀልጢፋ ቦትኣ ትምለስ።

 

ተስፋሚካኤል ገራህቱ ኣብ ሓሳባት ዘይኮነ ናብ ሰባት ዘዘምብል ጠባያት ነይሩዎ

ኣብ ፖለቲካዊ ትምህርቲ፣ እቶም ብእንዳ-መማህራን ዝፍለጡ ተጋደልትን፣ ኣብ ከባቢኦም (ኣብተን ጋንታታት) ዝነበርና መማህራንን ኣለይትን፣ ብሓባር ፖለቲካዊ ትምህርቲ ንመሃር ነይርና። ኣብቲ እዋንቲ’ውን እንተኾነ፣ ተስፋሚካኤል ገራህቱ ሰባት ፈላሊኻ ናይ ምርኣይ ጠባያት ነይሩዎ ኢዩ። ሓደ ካብኡ ገለ ተጋደልቲ ኣብ ፖለቲካዊ ትምህርቲ ይኹን ካልእ ኣኼባታት ‘የገድስ ኢዩ’ ዝበልዎ ጽቡቕ ርእይቶታት የቕርቡ’ሞ፣ ካልእ ሰብ ነቲ ሓሳብ ደጊፉ ብፍኹስ ዝበለ መልክዕ ይደግማ። ወዲ-ገራህቱ ነቲ ሓሳብ/ ርእይቶ ብቐንዱ ኣቐዲሙ ዘመንጨወ ተጋዳላይ፣ ብውሽጡ ዝጸልኦ/ ዘይቅበሎ እንተኾይኑ (ዋላ’ውን ዝኾነ ዘራኽብ እንተ-ዘይነበሮም)፣ ስም ናይቲ ካልእ ተጋዳላይ (ናይቲ ነቲ ሓሳብ ዝደገመ) ኣልዒሉ፣ ‘ከምዚ እገሌ ዝበሎ’ ኢሉ ክውድስ ይስማዕ ነይሩ። ስለዚ ወዲ-ገራህቱ ኣብ ሓሳባት ዘይኮነ ኣብ ሰባት ዘዘምበለ ባህርያት ነይሩዎ ኢዩ።

ተስፋሚካኤል ገራህቱን ሕልማዊ ፍልስፍንኡን

ኣብ 1988 ኣቢሉ ጨ/ ትምህርቲ፣ ናይ መባእታ ዳይረክተራት ዝኮኑ ተጋደልቲ (መማህራን) ንምምልማል፣ ንኣስታት 3 ወርሒ ዝኸደ ኮርስ ሂቡ ነይሩ። እቲ ኮርስ ኣብ ኣገባብ ኣመሃህራን ምምሕዳር ኣብያተ ትምህርትን ዘተኮረ ኮይኑ፣ ንፍልስፍናዊ መዳይ ናይ ትምህርቲ ዘጠቓልል’ውን ነይሩ። ኣብዚ እዋን’ዚ ተጋ/ ተስፋሚካኤል ብሳላ ተጋ/ በራኺ ገ/ስላሴ (ናይ ሽዑ ኣባል ማእ/ ሽማግለ ህዝባዊ ግምባርን ሓላፊ ጨ/ትምህርትን)፣ ካብቲ ዝነበሮ ጭንቀት (depression) ወጺኡስ፣ ሓላፊ ናይቶም እንዳ-መማህራን ኮይኑ፣ ነብሱ ኣብ ምዕባይን ንላዕሊ ገጹ ከንቃዕርርን (ናቱ ፒኣር ከዕቢ) ጀሚሩ ነይሩ ኢዩ። ኣብቲ ኮርስ ድማ ‘ፍልስፍና ናይ ትምህርቲ (philosophy of education) ዝብል ኣርእስቲ ይምህር ነይሩ። ብወገነይ ምስቲ ዝነበረኒ ጽምኢ ናይ ትምህርቲ፣ ንነብሲ-ወከፍ ካብቶም ‘ዩኒቨርሲቲ ዝወድኡ ምሁራት ኢዮም’ እንብሎም ሰባት ዝመጽእ ሓሳባትን ሓረጋትን ብጥንቃቐ እምዝግብ (note እገብር)፣ ካብቲ ክፍሊ ወጺአ ድማ፣ እቲ ሓሳባት ከይተረስዐ፣ ኣብ ፍሉይ ጥራውዝቲ ናይ ምምዝጋብ ባህርይ ነይሩኒ። እዛ እትስዕብ ድማ ሓንቲ ካብ ኣስተምህሮታት ወዲ-ገራህት ነይራ።

 

“ድሕሪ ናጽነት ዝህልወና ትምህርታዊ ፖሊሲ” ይብል ንሱ “ሓደ ‘ብቑዕ ሰብ’ ንምህናጽ ኢዩ። እዚ ‘ብቑዕ ሰብ’ ዝበሃል ድማ ኣካላቱ ብስፖርት ዝተሃንጸ፣ ሰራውር ደሙ ብግቡእ ዝሰርሕ፣ ብቕዓቱ ዘረጋገጸ ኣካላት ዝውንን፣ ኮታ ብቐሊሉ ብሕማማት ዘይጥቃዕ ሰብ ኢዩ። እዞም ብጉድለት ኣመጋግባን ዓጸቦን (ብፍላይ ድማ ከም በዓል ሽኮርያ፣ ብዝሒ ደም፣ ስከርቪ ዝኣመሰሉ ሕማማት) ድሕሪ ናጽነት ቦታ ክህልዎም ኣይኮነን። እዚ ነቲ ኣተሃናንጻ ኣካላት (physiological aspect) ዝምልከት ኮይኑ፣ ነቲ ኣኣምሮኣዊ ፍልጠቱ ዝምልከት ድማ፣ እቲ ብቑዕ ዝበሃል ሰብ ኣብ ኩሉ መዳያት ማእከላይ ፍልጠት ዘለዎ፣ ኣብ መዓልታዊ ህይወቱ ንዘጋጥምዎ ጸገማት ዝፈትሕ ማለት ሰዓቱ፣ ረድዮ ገዝኡ ተሰይርዎ ዘዐሪ፣ ኣብ ገዛኡ ዝዘውር መስመራት ኤለክትሪክ፣ መዛወሪ መኪናኡ ትኹን መዓጹ ተበላሽይዎ ዝጽግን፣ ኣብ ሓንቲ ዓውደ-ፍልጠት ግን ጥልቕ ዝበለ ፍልጠት ዝውንን (specialist) ሰብ ኢዩ። እዚ ከምዚ ዝበለ ሰብ ድማ ‘Ideal man’ ይበሃል።

 

“ብመንጽርዚ ንሕና እንሃንጾ ብቑዕ ሰብ፣ ኣብዘን ደም ሰብ እናመጸያ ዝነብራ ሃገራት ምዕራብ ዘለዉ ምሁራት፣ ኣብ ሓደ ዓውደ-ትምህርቲ ጥራይ ኢዮም ጥልቕ ዝበለ ፍልጠት ዘለዎም (specialist ዝኾኑ)። ማዕጾ ወይ ኤለክትሪክ ናይ ገዝኦም ተበላሽያቶም’ውን ከዐርዩ ዝኽእሉ ኣይኮኑን። ናይ ገዛ መኪናኦም ወይ ረድዮ ተበላሽያቶም’ዮም ሰብ ዝጽውዑ” ይብል።

 

ወዲ ገራህቱ ነዚ ኩሉ ክብ ኢለ ዝገለጽኩዎ ክገልጽ ከሎ፣ ንኹሎም ኣለዉ ዝበሃሉ ፈላስፋታት ዓለምና እናጠቐሰ፣ “ኣርስቶትል ከምዚ በለ፣ ፕላቶ እዚ ወሰኸ፣ ዲካርተስ ከምዝበሎ..፣ ሶቅራጠስ ነዚ ጸሓፈ…” እናበለ ዳርጋ ንኹሎም ኣለዉ ዝበሃሉ ቀዳሞት ፈላስፋታት በጺሑዎም ኢዩ። ብወገነይ ኣብ መፋርቕ 70ታት ማ/ደረጃ ከይወዳእኩ ትምህርቲ ስለ ዘቋረጽኩ፣ እቲ ኣስማት ንዓይ ሓድሽ ኢዩ ነይሩ። ኣብቲ ናይ ገድሊ ዕድመይ’ውን ኣስማት ናይቶም ምስ ፖለቲካዊ ማሕበርነትን ዴስነትን ተኣሳሲሮም ዝጥቀሱ ከም በዓል ማርክስን ኤንግሊስን፣ ማኦን ለኒንን ትሮትስክን እንተዘይኮይኑ ኣስማት ናይቶም ካልኦት ኣይሰማዕኩዎን። ኣብቲ ዝኾነ መወከሲ ዘይርከቦ ጭው ዝበለ ሳሕል ድማ፣ ብዘይካ ነቲ ዝሰማዕካዮ ከምዘለዎ ምቕባል ካልእ ምርጫ ኣይነበረን። ብኸምኡ ከኣ ኢየ ንነብሲ-ወከፍ ጥቕሲ ምስቲ ኢሉዎ ዝተባህለ ፈላስፋ እናፈላለኹ ኣብ ፍሉይ ጥራውዝቲ፣ በብናቱ ዝምዝግቦ ዝነበርኩ።

ነዛ “ሕቶ ናይ ሓደ ብቑዕ ሰብ” (the question of ideal man) እትብል ምስ ክዉንነት ዘይትኸይድ ፍልስፍና ወዲ ገራህቱ ዘምጻእኩዋ ብዘይ ምኽንያት ኣይኮንኩን። ኣብቲ ድሕሪ ናጽነት ዝተተኽለ፣ ቀንዲ ሃንዳሲኡ ድማ ተስፋሚካኤል ገራህቱ ባዕሉ ዝነበረ፣ ናይ ኤርትራ ትምህርታዊ ፖሊሲ ቀጥታዊ ምትእስሳር ስለ ዘለዋ ኢዩ።

 

ናጽነት ኮይኑ፣ ኣነ’ውን ተቖራቚሰ ዩኒቨርሲቲ ናይ ምእታው ዕድል ስለ ዝረኸብኩ፣ ንኹሉ’ቲ ኣብ ሰናጭሮ ሳሕል ሰኒደዮ ዝኣተኹ ጽሑፋት ሒዘ ናብቲ ኣብ ዩኒቨርሲቲ ኣስመራን ካልእን ዝርከብ ቤተ-መጻሕፍቲ (library) ክመላለስ ጀሚረ። ነቶም ብመንገዲ ወዲ ገራህቱ ዝፈለጥኩዎም ፈላስፋታት፣ ጽሑፋቶም እናገናጸልኩ ድማ፣ ነቲ ዝሰነድኩዎ ጥቕስታት፣ ነቲ ሽዑ ዝመሃሮ ዝነበርኩ መታን ክሕግዘኒ፣ ሃሰስ ክብሎ ጀሚረ። ብርግጽ ንኹሉ መጻሕፍቲ ኣንቢበዮ’ኳ እንተዘይበልኩ፣ ነቲ ጥቕስታት ግን ፍጹም ክረኽቦ ኣይከኣልኩን። ኣብ መወዳእታ፣ ወዲ-ገራህቱ ናቱ ፒኣር (PR) ንምዕባይ፣ ዝተፈላለዩ ፈላስፋታት እናልዓለ፣ ብስሞም ደስ ዝበሎ ጥቕስታት እናለጠፈ፣ ነቶም ዝኾነ ናይ ፍልስፍናን ፈላስፋታትን ፍልጠት ዘይነበረና ተጋደልቲ ‘ሃነን’ የብለና ከም ዝነበረ ደምዲመ።

 

ኣብዚ ከነጽሮ ዝደሊ፣ ገለ ካብዞም ፈላስፋታት ብዛዕባ “ምስሊ ናይ ሓደ ብቑዕ (እኹል) ዝበሃል ሰብ እንታይ ክመስል ይኽእል?” ዝብል ሕቶ ኣልዒሎም ኣይተዛረቡን ወይ ኣይጸሓፉን ኣይኮንኩን ዝብል ዘለኹ። ብፍላይ ብክልሰ-ሓሳባዊ ደረጃ። እቲ ጸገም ወዲ-ገራህቱ ነታ ‘ሓሳባዊ ‘IDEAL’ ትብል ሓረግ ኣብ ገለ ምስ ረኸባ፣ ንዕኡ ብዝጥዕሞ ጸጋጊኑ ከም ድሕሪ ናጽነት ዝህሉ ትምህርታዊ ፖሊሲ ኤርትራ ገይሩ ከቕርቦ ምፍታኑ ኢዩ።

 

 

………   ይቕጽል

 

aseye.asena@gmail.com

Review overview
39 COMMENTS
  • belay nega May 4, 2014

    “በቲ ግምባራት ውግእን ወረ ውግእን እንተተሰሚዑ ግን፣ እታ ቀያሕ ሻርባ ወዲ ገራህቱ ቀልጢፋ ቦትኣ ትምለስ።”

    እሞ ለባም’ዩ ኔሩ ማለት’ዩ

    • MightyEmbasoyra May 4, 2014

      ኣቶ በላይ፥
      ኣነ ግን ብኻልእ ኣተርጒመያ ኔረ። ውግእ ከይኣቱ ፈሪሑ ዶኾን ኮይኑ ኢለ ኔረ: ግን ናትካ ትሓይሽ

      • Mehret May 5, 2014

        Mighty,

      • Mehret May 5, 2014

        Mighty, actually your interpretation is more sound. That is how many fighters know him,as a COWARD and CONNIVING!!

        • belay nega May 5, 2014

          Mehret,

          “That is how many fighters know him,as a COWARD and CONNIVING!!”
          አይትዓሽዊ!
          ሓደ ሃብታም “እዛ TOYOTA ክትጽብቅ” በለሞ
          አብ ጥቅኡ ዝነበረ ሙሁር ከአ “ተጋጊኻ እዚአ LEXUS እያ” ኢሉ ምስአሮሞ
          አቶ ሃብታም ከአ “እንታይ ጸገም አለዎ’ሞ ንስኹም ተንብብወን ንሕና ንዝውረን” ኢሉ ተዋራዝይሉ
          ሕጅከአ ካለኦት ንዝዋዓልዎ: ወዲ ገራህቱ “አሃዱና……ወዘተ” እንዳበለ እንተመደረ እንታይ ይጎድሎ?

        • Suleiman Salim May 5, 2014

          ሓዳምን ጃጃውንስ ንስኻ ኣሎኻ!! ሃ ሃ ሃ ሃ!!!

  • Mikael May 5, 2014

    Bojbaj wedi ferhahtu
    embear kema endabele u halifwa…..

  • Tesfu Kidane May 5, 2014

    ወዲ ገራህቱ ነታ ሻርፕ ኣገብራ ዝነበረ ናይ እዝኒ ጸገም ኣለዎ ኣይከትትንዩ መታን ክብሃል እዩ። ምኽንያቱ ኣብ ቀዳማይ ወራር መታን ከይከትት ኢሉ ጦኡይ ክነሱ ጸማም እየ ስለ ዝበለ ኣብ እንዳ ስንኩላን ኣትዩ ነይሩ እዩ። ስለዚ፡ ሽጣራኡ መታን ከይፍለጥ ኢሉ እዩ ዝገብራ ነይሩ። ወዲ ገራህቱ ኣብ ክፍሊ ህዝቢ ከሎ ተኵሱላ ዘይፈልጥ ሽጕጥ ነይራቶ እያ። ደቁ ዝኣኽሉ እናተሰውኡ ንሱ ግን ሽንጣፍ ዘይብሉ ብህይወት ድሕሪ ምእታው ከም ሕልሙ ንዲክታተር የገልግልን ጮማ ይበልዕን ኣሎ።

  • Gideon May 5, 2014

    Mr Tadesse Kidane,
    With due respect to you kubur haw, The “ghedli romantics” saga that brought us nothing but agony
    and shame has already lost its lust and it is about to end. Ghedli was the school of master arts
    in evil-hood. To take it one step further, poor Eritrean tegadeltis, for the past fifty years have
    been told, by all the ghedlis that they are unique, skilled, SUPERIOR and have developed a superiority
    complex disorder. As you know, individuals with a superiority complex often exhibit a sense of empty
    grandiosity. No one in his right mind would deny that ghedli caused untold misery on tegadelti and
    hafash alike. The root cause of main Eritrea’s post-independence predicaments are also to be found in
    the secrecy, intrigue, lack of accountability and excessive concentration of power forged during the
    ghedli era. Finally, do we want the Shari’a delusion terrorist to sneak in? Definitely NOT. Watch Out!

    • Nahom May 5, 2014

      Gideon
      Are you dreaming to be ruled by the emperor of famine HS 1?

    • Zeki May 5, 2014

      U seem to have suffering from shari’a-phobia. Rest assured, muslims have decided to say “Isaias or death”.do u know why? Because the devil they know is million times better than the the so-called unknown angel.

  • gebre1 May 5, 2014

    Eritrean Ministry of Education in 2002 announced that the curriculum they were using was wrong and failed; they introduced new curriculum. Therefore, wedi Gerahtu was one of the master mind in producing the old curriculum, hence, he was one of the people mislead the people and wast valuble time of the teachers and students. As for me he is appointment to high rank it is not because he is better than others, it is regionalism policy of Issais. They are from the same area, and issais needs loyal person to protect his interest. Gerahtu is an instrument not more than that.

    Tadess must dig about his family performance around Education in UK and we might learn from that. How his children are doing? while he was travelling around UK to divide Eritrean communities what happen inside his family. How he was managing? we could learn some thing. His life has two side in and out so Taddess might cover these issues in the future. Is he still trampling with his old ideologies or discovered new philosophers to serve Issais. Gerahtun was exposed in his last interview that he admitted the existence of human trafficking in Eritrea. But he was challenged.

  • ተወልደመድህን May 5, 2014

    ግሩም ትንታነ ጽቡቕ መልእኽቲ።

  • Tekluu Gubtaan May 5, 2014

    I have been thinking of such issues interestedly or as u mentioned what” kind of individuals was eplf now hgdef choosing to serve its dirty hidden agendas” . The first one who come to my mind, whom i remember and had power (halafenet) was my close relative . It was very soon that recognised of his silliness and brutality, then i asked to other zemed how or why can Mr zemedey be in charge of others when he is extremely foolish and arrogant (i do have reasons that i noticed why i am balming zemedey), Then my other zemed warned me not to ask such .. .
    As time goes on i faced many others like zemedey , either mad men or ones full of conspiracy in halafent. This Gherhatuu was one of them though i knew about him from his past colleagues . Gherhatuu was very subjective n keeps him self in touching distance to attack other …oh my god..no words …to describe gerhatuu he just evil..

  • OZ May 5, 2014

    Taddesse’s excellent story is always educational, interesting and fascinating. To me, it is a new discovery and it helps me see the Ghedli saga in its entirety. Taddesse’s eloquence and mastery of the Tigrigna is magnificent and his writing style is unique in many ways. Most important, he brings the ugly side of the Ghedli into broad light for us to see, that gives us a power to adjust our world view of the Gehdli & its leaders.
    Taddesse’s previous writing is an equivalent of an excellent theses or dissertation that belongs to the library of academics. Taddesse, I just want to let you know how much I enjoy reading your piece. Please, keep it up!

  • TwoWayStreet May 5, 2014

    Kab Zegelgele, Zewdeldele.
    Kab Beal

    • TwoWayStreet May 5, 2014

      “Kab Beal Taff, si Beal Af” eyu negeru.

  • Habtom May 5, 2014

    Way neskom

1 2 3

POST A COMMENT