ክቡራት ተኸታተልቲ ኣሰና፣

ነቲ መሪሕነት ባይቶ ኤርትራዊ ሃገራዊ ባይቶ ንዲሞክራስያዊ ለውጢ ኣብ ልዕሊ ኣቦ ወንበር ፈጻሚ ሽማግለ ዶክተር ዮሱፍ ብርሃኑ ዝወሰዶ ስጉምቲ ብዝምልከት፣ ምስ ዶር ዮሱፍ ከምኡ ‘ውን ነቲ ስጉምቲ ምስ ዝወሰዱ መሪሕነት ባይቶ (ኣቶ ጸጋይን ወሮ ፍረወይንን) ከምኡ ‘ውን ምስ ምኽትል ኣቦ ወንበር ፈጻሚ ሽማግለ ኣቶ ዮሃንስ ኣስመላሽ ዝተኻየደ ቃለመጠየቓት ኣብ ርእሲ ምእንጋድ፣ እቲ ኩነታት ካብ ዘገድሶም ውድባትን ውልቀሰባትን ዝበጽሓና ጋዜጣዊ መግለጺታትን ርእይቶታትን ‘ውን ኣቕሪብና ኢና። እንተኾነ ገና መግለጺታትን ርእይቶታትን ይመጽኣና። ብወገና ድሮ እኹል ግዜ ስለዝሃብናዮ፣ ብቐንዱ ካብዚ ንላዕሊ ብዛዕባ’ቲ ጉዳይ ምምልላስ ካብቲ ከነተኩረሉ ዝግብኣና ቀዳማይ ጉዳይ ውልቀምልካዊ ስርዓት ህግደፍ ክኣልየና’ዩ ዝብል መረዳእታ ስለዘለና፣ ብቐጥታ ነቲ ጉዳይ ኣብ ምድጋፍን ምዅንናንን ዘተኮሩ መግለጺታትን ርእይቶታትን ከምዘይነአንግድ ምስናይ ይቕሬታ ነዘኻኽረኩም።

ኣሰና