ኣብ ቶሮንቶ ዝነበር ዳኒኤል ነብያት ዝብሃል ከም ዘዋሪ ታክሲ እናሰርሐ ዝነበር ኤርትራዊ ከም ኣባል ናይ ሓደ Okavango African Orchestra ዝተባህለ 9 ኣባላት ዝሓዘ ጉጅለ ስነጥበበኛታት ንሽልማት JUNO ከምዝተረቝሐ ዘ ስታር ዝተባህለ ናይ ካናዳ ጋዜጣ ሓቢሩ።

ክራር ዝጻወት ወዲ 44 ዓመት ዳኒኤል ምስ ጉጅሊኡ World Music Album of the Year ንዝብል ሽልማት እዩ ተረቝሑ ዘሎ።

ጋዜጣ ስታር ኣብ ዜናዊ ዓንቀጹ፣ እቲ ዝሓለፈ ሰሉስ ንሽልማት Juno ዝተረቝሐ መራሒ ታክሲ፣ ስነስርዓት ምርቋሕ ሕጹያት ተወዳደርቲ ሽልማት ካብ ዝተኻየደሉ Rebel ዝተባህለ ናይ ቶሮንቶ ውጺኡ ውራይ ታክሲ ክገብር ከሎ፣ ብኣጋጣሚ ነታ ቅድሚ ሒደት ደቓይቕ ኣብ ቀይሕ መንጸፍ ናይቲ ኣዳራሽ ከም ሕጹይ ሽልማት ዘዘራረበቶ ጋዜጠኛ ስታር ኣገልግሎት ታክሲ ከምዝሃባ ጽሒፉ።

ንሱ፣ “ ሎሚ ንመጀምርያ እየ ንሽልማት Juno ተሓጽየ፣ ብኡ ምኽንያት ድማ እየ ከምቲ ዝረኣኽኒ ኣብቲ ኣጋጣሚ ድንግርር ዝበለኒ፣ ከምዚ ዓይነት ዕድል ኣጋጢሙኒ ኣይፈልጥን እዩ” ክብል ነታ ኣገልግሎት ታክሲ ዝሃባ ጋዜጠኛ ከምዘዕለላ እቲ ሓበሬታ የርድእ።

ባህልን ሙዚቃን ኤርትራ ወኪሉ ንሕጸ  ሽልማት ምብቅዑ ባህታ ከምዝፈጠረሉ ‘ድማ ገሊጹ።

Daniel Nebiat, front left, is one of nine members who make up the Okavango African Orchestra. The group was nominated for the World Music Album of the Year. Nebiat plays the krar, a six-stringed instrument from Eritrea and Ethiopia.